1945: a guerra terminou, e algúns alemáns deben fuxir do país. Tras unha viaxe esgotadora, un home chega a un antigo mosteiro franciscano que se alza fronte aos Dolomitas. Alí achará refuxio e tamén selará un pacto.
Máis dunha década despois, o doutor Quirke é "un animal ferido" que se mudou a casa da súa filla Phoebe tras a tráxica morte da súa muller. Cando nun garaxe de Dublín aparece o cadáver da moza estudante xudía Rosa Jacobs, todo parece apuntar a un suicidio, pero Quirke e o inspector Strafford —que se enfrontan ao seu primeiro caso xuntos—sospeitan que se trata dun crime, do mesmo xeito que a irmá da vítima, unha xornalista que se une á procura da verdade e zarandea o corazón do patólogo. Mentres as relacións entre os dous investigadores se volven cada vez máis tensas, o misterio agudízase cando descobren os vínculos de Rosa co fillo dunha adiñeirada familia alemá que se mudou ao condado de Wicklow tras a Segunda Guerra Mundial e ten negocios en Israel. Poderán unir as pezas do quebrazabezas?