"Inglaterra, 1573. Os días da pequena Ellyn transcorren traballando de sol a sol na humilde granxa da súa familia, padexando as feces dos animais e recibindo os menosprezos e os golpes do seu irmán Tomas. Desde que o seu pai quedou inválido nun accidente, e máis agora que unha nova irmá, Agnes, chegou a ese mundo de miseria e privacións, todos teñen que deslomarse aínda máis para asegurar o sustento. Nesa atmosfera de brutalidade, fatiga e inmundicia, a única alegría de Ellyn é Agnes, a quen a une un vínculo moi especial.

Todo dará un xiro inesperado o día en que Ellyn acode ao mercado e, empuxada pola curiosidade, entra nunha igrexa baleira na que oe un canto como nunca antes oíra, un canto que a estremece, que a fai flotar. Desde ese preciso instante comeza a crecer no seu interior un poderoso desexo: ingresar na escola de canto, onde os novos cabaleiros aprenden a cantar, mais tamén a ler e escribir, un lugar onde nunca se pasa fame e ao que con todo as nenas teñen vedado o acceso. A determinación por cumprir o seu soño levará a Ellyn a rebelarse e facerse pasar por un mozo, mais canto tempo poderá manter o engano? Canto poderá soportar eses grillóns impostos á verdade do seu corpo?". [Fonte: sinopse realizada pola editorial; traducida desde o castelá]