"Non, as mulleres prehistóricas non se pasaban o día varrendo a cova e coidando dos fillos mentres esperaban que os homes regresasen de cazar. Elas tamén perseguían a grandes mamíferos, fabricaban ferramentas e xoias, construían vivendas e exploraban formas de expresión simbólica. Os vestixios arqueolóxicos demostran que as mulleres neandertais usaban a lanza; grazas á análise do ADN sabemos que algúns esqueletos soterrados coas súas armas pertencían a mozas robustas que cazaban, e tamén está testemuñada a súa intervención artística nas paredes das covas. Tampouco hai indicios de que, nas sociedades do Paleolítico, un período que se estende durante centos de milenios, se considerase ás mulleres inferiores e subordinadas aos homes. Por que, entón, segue vixente a imaxe que divulgaron os primeiros prehistoriadores no século XIX? Basta retroceder no tempo para comprender que a xerarquización entre os xéneros só se fundamenta en prexuízos que é urxente deconstruír. Da man dunha das maiores especialistas no comportamento dos neandertais, esta fascinante investigación de arqueoloxía de xénero revélanos unha prehistoria como nunca a liamos". [Fonte: cuarta de cuberta; sinopse traducida desde o castelá]

1º-2º BAC